வெண்ணிற ஆடை படமும்-இயக்குனர் ஸ்ரீதரும்

ஸ்ரீதர் அவர்கள் தமிழ் சினிமாவிற்கு புகுத்திய புதுமைகள் எண்ணிலடங்காது. அந்த வகையில் சுமைதாங்கி படத்திற்கு பிறகு ஸ்ரீதர் முற்றிலும் புதுமுகங்களை வைத்தே எடுத்த படம்தான் "வெண்ணிற ஆடை". இந்த படம் மூலம் தான் தமிழ் சினிமாவிற்கு மறக்க முடியாத நான்கு நட்சத்திரங்களை தந்தார் ஸ்ரீதர்.

  ஜெயலிலதா, ஸ்ரீகாந்த், நிர்மலா, மூர்த்தி என நான்கு பெரும் பின்னாளில் புகழடைந்தது நான் சொல்லி தெரிய வேண்டியதில்லை. இதற்கும் ஒரு படை மேலே போய் நிர்மலா  அவர்களும் மூர்த்தியும் பின்னாளில் வெண்ணிற ஆடையை அவர்களின் பெயருக்கு முன்னால்  சேர்த்துக்கொண்டு "வெண்ணிற ஆடை" மூர்த்தி , மற்றும்  "வெண்ணிற ஆடை" நிர்மலா என அறியப்பட்டனர். அதுவுமில்லாமல், அந்த வருடத்தில் ஸ்ரீதர் அவர்களுக்கு ஒரு பெரிய வெற்றிப்படமாக ஓடி பாராட்டையும் பெற்று தந்தது.

கதை என்னன்னு பார்த்தால், ஸ்ரீதரின் வழக்கமான முக்கோண காதல் கதை தான். மனநல மருத்துவரான ஸ்ரீகாந்த், மன நலம் பாதிக்கப்பட்ட ஜெயலலிதாவை  குணப்படுத்த வருகிறார். ஸ்ரீகாந்திற்கும்
 வெண்ணிற ஆடை நிர்மலாவிற்கும் காதல். இந்த நிலையில் குணமடைந்த ஜெயலலிதாவிற்கு ஸ்ரீகாந்த் மேல் காதல். ஜெயலலிதாவின் தந்தை ஸ்ரீகாந்தை வற்புறுத்த முடிவு என்ன என்பது தான் "வெண்ணிற ஆடை" படத்தின் கதை.

முதல் படத்திலே ஜெயலலிதாவிற்கு நடிப்பதற்கு நல்ல வாய்ப்பு. ஸ்ரீகாந்தின் காதபாதிரம் ரொம்பவே எதார்த்தமாகவும், இரண்டு பெண்களின் காதலுக்கு நடுவில் சிக்கிக்கொண்டு தவிக்கும் எதார்த்த மனிதராக முதல் படத்திலேயே நடிப்பில் கலக்கி இருந்தார் ஸ்ரீகாந்த். வெண்ணிற ஆடை நிர்மலா இந்த படத்தில் நடிக்கும்போது ரொம்பவே இளைய வயது. ஆகா ஒரு இளமை பட்டாளத்தையே இந்த படத்தில் இறக்கி இருந்தார் ஸ்ரீதர்.

படத்தின் இசையை M.S. விஸ்வநாதன் கவனிக்க வழக்கம் போல் பிரமாத படுத்தி இருந்தார். "அம்மாமா காற்று வந்து", "ஒருவன் காதலன்', என்ன என்ன பார்வைகளோ " , "சித்திரமே  சொல்லடி", மற்றும் "கண்ணன் என்னும் பேரை" என்று னைத்து பாடல்களை பிரமாதப்படுத்தி இருந்தார் விஸ்வநாதன்.

இன்னமும் ஸ்ரீதர் அவர்களின் பெருமைகளைப்பற்றி சொல்லிக்கொண்டே போகலாம்.

 அன்புடன் 

அசோக் குமார்

காதலிக்க நேரமில்லை படமும் -இயக்குனர் ஸ்ரீதரும்

படத்தின் தலைப்புக்கு கிழே "கதையை எதிர்ப்பார்க்காதிர்கள்" என்று எழுதி படத்தை விளம்பரப்படுத்தி ஸ்ரீதர் அவர்கள் வெளியிட்ட படம்தான் "காதலிக்க நேரமில்லை".பெரும் புகழை அவருக்கு இந்த படம் பெற்று தந்தது என்றால் அது மிகை இல்லை. கதை முழுவதும் சின்னமலையில் நடப்பது போல் எடுத்திருந்தார் ஸ்ரீதர். இது முழுக்க முழுக்க நகைச்சுவை ஒன்றையே மயப்படுத்தி எடுத்திருந்ததால், கதை என்று அவர் பெரிதாக அலட்டிக்கொள்ளவில்லை போலும். அது போலவே முதன் முதலில் சப்டைட்டில் போட தமிழ் சினிமாவிற்கு கற்றுகொடுத்தவரும் ஸ்ரீதர் அவர்களாகத்தான் இருக்கும். 

கதையை சுருங்க சொன்னால், சின்ன 

 மலையில் பெரிய எஸ்டேட் வைத்திருக்கும் விஸ்வநாதனுக்கு இரண்டு மகள்கள். சென்னையில் படிப்பை முடித்து வீட்டுக்கு திரும்பிய அவர்களை ஒருநாள் வழியில் கேலி செய்கிறார் அசோக் (ரவிச்சந்திரன்). அவர்  தான் அந்த எஸ்டேட் காரியதரிசி என்று மகள்களுக்கு தெரியவர, அதை முதலாளி தந்தையிடம் போட்டுகொடுக்க வேலை நீக்கம் செய்யப்படுகிறார் ரவிச்சந்திரன். ஆனால் வேறு வேலைக்கு போகாமல் இவர் வீட்டின் முன்பே கூடாரம் அமைத்து ஆட்களை கூட்டி பாடி போராட்டம் செய்கிறார். 

இதன் நடுவே விஸ்வநாதனின் இளைய மகளுக்கும் ரவிச்சந்த்ரனுக்கும்   காதல் வர, பணமும் கௌரவமும் தடுக்க தன் உற்ற நண்பன் முத்துராமனை  (வாசு) இவரின் பணக்கார தந்தையாக நடிக்குமாறு அழைக்க வந்த இடத்தில்தான் இவரும் விஸ்வநாதனின் மகளையே காதலிப்பதாக சொல்ல குழப்பம் ,பின் முத்துராமன் காதலிப்பது இமுத்த மகள் காஞ்சனாவையும், ரவிச்சந்திரன் காதலிப்பது இளையமகள் ராஜஸ்ரீயையும் (நிர்மலா)  என்று தெளிவாக எப்படி இருவரும் காதலியை கரம் பிடித்தார்கள் என்பதை நகைச்சுவையோடு, இனிக்க இனிக்க எடுத்த படம்தான் இது. 

ரவிச்சந்திரன் இந்த படத்தில்தான் முதன் முதலில் அறிமுகமானார். முதல் படமே வெற்றி அல்ல மாபெரும் வெற்றி படமாக அமைந்தது. ஒரு ஓட்டை காரை வைத்துகொண்டு கஞ்சனாவிடமும், ராஜஸ்ரீயிடமும் இவர் அடிக்கும் லூட்டி ரசிக்க வைப்பவை. வயதான வேடத்தில் ரவிச்சந்த்ரனின் அப்பாவாக நடிக்கும் முத்துராமன் பிரமாதபடுத்தி இருப்பார். "காதலிக்க நேரமில்லை பாடலில் இவரின் நடனம் அசத்தல் ரகம் சிரித்து மகிழலாம்.

 படத்தின் நகைச்சுவை பகுதியை நாகேசும் சச்சுவும் எடுத்துகொள்கிறார்கள். படம் எடுக்க போகிறேன் என்று நாகேஷ் செய்யும் காமெடி அட்டகாசம். திகில் கதை சொல்கிறேன் பேர்வழி என்று இருட்டில் பாலையாவை உட்காரவைத்து படுத்தி எடுக்கும் காட்சி, சிரித்து சிரித்து கண்ணில் தண்ணீரை வரவைத்துவிடும். படகம்பனியின் பெயரை ஓஹோ ப்ரொடக்சன்ஸ் என வைத்திருப்பதற்குஇவர் சொல்லும் காரணம் அடடா..!!

 பாலையாவின் நடிப்புக்கு  எப்போதும்  நான் ரசிகன், மகள்களிடம் குலைவதும், நாகேஷிடம் படம் எடுக்க பணம் தரமாட்டேன் என முரண்டு பிடிப்பதும், ரவிச்சந்த்ரனை வேலை இல்லை என விரட்டுவதும், அவர் தந்தை பெரும் பணக்காரர் என தெரிந்தவுடன் பம்முவதும், அமர்க்களம்.

ஸ்ரீதர் அவர்களின்  படங்களில் இசைக்கென்று தனி முத்திரை இருக்கும், விஸ்வநாதன்-ராமமூர்த்தி அவர்களின் இசையில் பாடல்கள் அனைத்தும் ஆஹா  ரகம். "விஸ்வநாதன் வேலை வேணும்", "நாளாம் நாளாம் திருநாளாம்", "காதலிக்க நேரமில்லை", "அனுபவம் புதுமை அவளிடம் ", "உங்க பொன்னான கைகள்", "என்ன பார்வை உந்தன்" மற்றும் "மலரென்ற முகம் இன்று" என அனைத்து பாடல்களும் இன்றும் நம்மை மயங்க வைப்பவை.

 இப்படி நிறைய இன்னும் இரண்டு பதிவுகள் கூட எழுதலாம் அவ்வளவு சமாச்சாரங்கள் இருக்கிறது இந்த படத்தில். தமிழ்சினிமாவில் தவிர்க்க முடியாத படம் இது. !!!

ஸ்ரீதர் அவர்கள் பற்றிய முந்தைய பதிவுகளை படிக்க அதன் இணைப்புகள் கிழே!!
C.V.ஸ்ரீதர் -இயக்குனர்களில் ஒரு சகாப்தம் 
இயக்குனர் C .V . ஸ்ரீதரும் தேன் நிலவு படமும் 
நெஞ்சில் ஒரு ஆலயம் படமும் - இயக்குனர் ஸ்ரீதரும் 
நெஞ்சம் மறப்பதில்லை படமும் இயக்குனர் ஸ்ரீதரும்

இன்னும் ஸ்ரீதர் அவர்களின் படங்கள் பற்றிய பல சுவாரசியமான விசயங்களை அடுத்த பதிவில் பகிர்ந்துகொள்கிறேன் !!    

அன்புடன் 

அசோக் குமார்

நான் ரசித்த திரைப்படம்

நான் ரசித்த திரைப்படம்-பார்த்திபன் கனவு!!!!

Thanks to google images for the picture

 இயக்குனர் கரு. பழனியப்பன் அவர்களின் முதல் படம், ஆனால் பத்து படங்கள் எடுத்தது போன்ற ஒரு தேர்ந்த படத்தை எடுத்துள்ளார். தலைப்பே மிகவும் கவித்துவமான ஒன்று. அமரர் கல்கி அவர்கள் எழுதிய "பார்த்திபன் கனவு"  என்ற நாவலில் இருந்து எடுத்துள்ளார்கள் என நினைக்கிறேன்.
இயக்குனரின் பிந்தைய படங்களான சிவப்பதிகாரம், சதுரங்கம் மற்றும் பிரிவோம் சந்திப்போம் என தலைப்புகளில் என்னே  கவித்துவம்!!!!!!.

சரி கதைக்கு வருவோம்......... கதை ஒன்றும் புதிது அல்ல ஆயினும் அதை சுவாரசியமாக சொன்ன விதம் சபாஷ்....... போட வைக்கிறார் பழனியப்பன்.
ஒரு நடுத்தர குடும்பத்தில் ஹீரோ.... அப்பா, அம்மா மற்றும் தாத்தாவோடு இருக்கிறார். எந்த வேலையிலும் முழுதாக ஒரு மாதம் கூட இருக்கமாட்டார். அவருடன் திரைப்படத்துக்கே இலக்கணமான மூன்று நண்பர்கள். ஒரு கட்டத்தில் சினேகாவை பார்த்தவுடன் காதல் வயப்படுகிறார். ..... அப்பாவின் வற்புறுத்தலின் பேரில் வேண்டா வெறுப்பாக பெண் பார்க்க போகிறார்.  அங்கே சினேகாவே மணப்பெண் கோலத்தில் காபீயுடன் வர நமக்கே ஆச்சரியம்...... ஸ்ரீகாந்துக்கு இருக்காதா......!
பிறகென்ன கல்யாணம் சுபம்......

இதுவரையில் சுவாரசியமே இல்லாமல் போய்கொண்டு இருந்த திரைக்கதையில் திடீர் மாற்றம்....... கல்யாணம் முடித்து வரும் வேளையில்... ரோட்டில் நடந்து வரும் சினேகாவை பார்த்தவுடன் ஸ்ரீகாந்த் தலையில் இடி.!!!!!
அதன் பிறகு தான் காதலித்த சினேகாவை தேடி கேரளா செல்கிறார்... அங்கும் அவரை கண்டுபிடிக்க முடியாமல் பரிதாபமாக சென்னை வருகிறார்........
வீட்டிற்கு வந்தால் ஆச்சர்யம் எதிர் பிளாட்டில் காதலி சினேகா குடிவர உள்ளுக்குள் சந்தோஷம்.......!!!!!!!!! ஆனாலும் மனதுக்குள் ஒரு உறுத்தல்!!!!!!!
ஒரு நாள் இந்த விஷயம் மனைவி சினேகாவுக்கு தெரிய வர வீட்டுக்குள் பூகம்பம்......!!!!!!!!! அப்புறமென்ன எல்லோருக்கும் மன நிறைவை ஏற்படுத்தும் கிளைமாக்ஸ்!!!!!!!!!
குடும்ப படத்தை கூட இப்படி சுவாரசியமான  திரை கதையோடு சொல்லி இருக்கிற இயக்குனர் கரு. பழனியப்பனுக்கு ஒரு சபாஷ்......
முதல் விஷயம் ஸ்ரீகாந்த் மற்றும் சினேகாவுக்கும் உள்ள வேதியியல் (அதாங்க chemistry) ரொம்ப நல்லா இருக்கு.

நடுத்தர வர்க்க குடும்பத்தை அழகாக காட்டியுள்ளார் இயக்குனர். காலையில் தோசை சுடும் அம்மா, குளித்து பேப்பர் படிக்கும் அப்பா, பழைய ரேடியோ பெட்டியை ரிப்பேர் பார்க்கும் தாத்தா, எட்டு மணி வரை தூங்கும் ஸ்ரீகாந்த் என நம் வீட்டில் நடப்பதை போல உணரலாம்.

ஸ்ரீகாந்துக்கு நடிக்க நல்ல வாய்ப்பு அதை மிக அழகாக பயன்படுத்தி கொண்டார். இந்த படத்திற்கு பிறகுதான் ஸ்ரீகாந்தின் மார்க்கெட் உயர்ந்தது என சொல்லலாம். மனைவிக்கு உண்மை தெரிந்த பிறகு இவர் காட்டும் உணர்சிகளும்,  கிளைமாக்ஸ் காட்சியில் இவரின்  நடிப்பும் பிரமாதம்.

சரி முக்கியமான விஷயத்துக்கு வருவோம்.... அதன் புன்னகை இளவரசி சிநேகாவதாங்க சொல்றேன்... இரட்டை வேடம் ரெண்டுமே வித்தியாசமான கதாபாத்திரம் பின்னி எடுத்திருக்காங்க சினேகா. இந்த படத்துல அப்போ அப்போ சிரிச்சி புன்னகை இளவரசின்னு சொல்ல வச்சிருக்காங்க. மனைவியா வர சினேகா பாந்தமா நடிச்சிருக்காங்க. புருசனுக்கு அடங்கின மனைவியா , விட்டு கொடுத்து வாழணும்னு சொல்ற வசனங்கள் அருமை!!!!!! படம் பார்க்கின்ற நிறைய ஆண்கள் எல்லாம் நமக்கு இப்படி ஒரு பொண்டாட்டி கெடைக்க மாட்டங்களான்னு பொறாமைபட வச்சிருக்காங்க..... !!!!!!!  படத்தை பார்த்தால் புரியும்!!!!!!!!!!!

நகைச்சுவைக்கென விவேக்!!! இவர் அறிமுக காட்சியே அமர்க்களம்.... தேவதரிசினி மற்றும் விவேக் காட்சிகள் கலகல!!!!!!!! என்ன நடிகர் திலகத்தை கலாய்த்து இருக்கிறார்.... அதை தவிர்த்து இருக்கலாம்!!! டிராபிக் போலீசிடம் ஆங்கிலம் பேசி தப்பிக்கும் காட்சி பிரமாதம்......

பாடகர் தேவன் இந்த படத்தில் அறிமுகம் ஸ்ரீகாந்தின் நண்பராக வந்து போகிறார்!!!! போலீஸ் ஸ்டேஷன் காட்சியில் சட்டை இல்லாமல் பார்க்கும்போது  சிரிப்பை தவிர்க்க முடியாது.....

வசனங்கள் சில இடங்களை நெஞ்சை தொடுகின்றன... குறிப்பாக ஸ்ரீகாந்த் சொல்லும் "கலைஞ்சு இருந்ததம்மா வீடு இல்லைனா அது மியுசியம்" அப்புறம்

இசை அமைத்தவர்  வித்யாசாகர்!!! பாடல்கள் எல்லாமே கேட்கும்படி இருக்கு!!1 முக்கியம் மெலடி பாட்டு ரொம்ப நல்ல இருக்கு...  "ஆலங்குயில்" பாட்டு ரொம்ப அற்புதம் பாட்டை எழுதினது கபிலன்... பாட்டுலயே சின்ன சின்ன கவிதைகள்... புது முயற்சி தான்... எனக்கு ரெண்டு கவிதை புடிச்சு இருக்கு

வெட்கம்

இது பெண்மை பேசிடும் முதல் ஆசை வார்த்தைதான்!!!!

காதல்

நம் நான்கு கண்ணில் காணுகின்ற ஒற்றை கனவு!!!

அந்த பாடல் இங்கே!!! கேட்டு மகிழுங்கள்

இந்த படத்தில் முக்கியமான விஷயம் என்னன்னா நீங்க குடும்பத்தோட பார்க்கலாம்.... பாக்யராஜ் ஒரு தாவணி கனவுகள்ல சில்லறை போடுவாரே அது மாதிரி சில்லறை எல்லாம் போட்டுட்டு இருக்க வேண்டிய அவசியம் இல்ல...

பின் குறிப்பு : விக்கிபீடியா தளத்தில் இந்த படத்தை பற்றி சில விஷயங்கள் சுவாரசியமா இருந்தது. படம் மூணு கோடி ரூபா பட்ஜெட்ல எடுத்து 25 கோடி அள்ளி இருக்காங்க....