துதி பாடுவதில் சிறந்தவர் வாலியா?? வைரமுத்துவா??

சென்ற கலைஞர் ஆட்சியில், தமிழ் திரை உலகம் படம் எடுத்தார்களோ இல்லையோ, கலைஞருக்கு மாதம்தோறும், விழுந்ததுக்கு ஒன்று எழுந்ததுக்கு ஒன்று என பாராட்டு விழாக்கள் நடத்தி களிப்புற்றனர். இந்த பாராட்டு விழாக்களில் முக்கிய துதி பாடிகள் கவிஞர் வாலியும், கவிஞர் வைரமுத்துவும். ஊழல் செய்து சிறைக்கு சென்ற கலைஞரின் மகள் கனிமொழி மற்றும் ராஜாவை செய்த சாதனைகளை பாராட்டி "ஊழல் தலைவனுக்கு சீராட்டு விழா" எடுத்து அதில் இந்த கவிஞர்கள் கவி பாடி இருந்தால் எப்படி இருக்கும் என்று கற்பனை செய்து பார்த்தேன்.

கவிஞர் வாலி:

புறா, மீன் சாப்பிடும் பிராமின் என்று என்னை புகழ்ந்த எம்பெருமானே !!

திருக்குவளை தந்த புதல்வா!!
தமிழ்நாட்டில் ஊழலுக்கெல்லாம் நீ முதல்வா!!

 எம்பெருமானே!! நீ தொட்டால் தகரமும் தங்கமாகும் !!
தவளையும் சிங்கமாகும்..!!

பூமாரி!! தேன் மாரி!! நீ வாய் திறந்தால் பொழியும் வசை மாரி!!

எந்திரனுக்கு பிறகு ரஜினி படம் எடுத்தால் அது புதுசு!!
மோசடி, சுரண்டல் இதெல்லாம் உனக்கு அரத பழசு!!

நமீதா கையளவு துணியை உடம்பில் போட்டு நடித்தால் அது கச்சை!!
கதை எழுதுவதில் ஸ்டீபன் ஸ்பீல்பெர்க் எல்லாம் வாங்கவேண்டும் உன்னிடம் பிச்சை!!!

 இரண்டு இசைக்கருவிகளை ஒன்றாக வாசித்து கேட்டால் அது பியுசன்!!
ஊழல் செய்து மாட்டமலிருக்க அரசியல் வாதிகள் உன்னிடம் படிக்கவேண்டும் டியூஷன்!!!

சோனியா மீது உனக்கு அடிக்கடி வருகிறது உனக்கு வெறுப்பு!!
கனியை  விட சொல்லி டெல்லி வரை போயும் வேகவில்லை உன் பருப்பு !!

ஒரு ரூபாய்க்கு அரிசி தந்தாய் !! தொண்ணூறு ரூபாய்க்கு பருப்பு தந்தாய்!!
இதனால் மக்களுக்கு வெறுப்பை தவிர வேறென்ன தந்தாய் !!

சொல்வாய் ஊழலுக்கு நான் நெருப்பு!!
இதை கேட்டால் தயாளுஅம்மாளுக்கே வரும் வெறுப்பு!!!

(ரொம்பத்தான் ஓவரா போய்டமோ!! போன என்ன!!!)

வைரமுத்து: 

கவிஞர் வாலி அவர்களே!!
உங்கள் துதிக்கும் என் துதிக்கும் வித்தியாசம் நிறைய இருக்கிறது.

ஏன் என்றால் நீங்கள் ஸ்ரீரங்கத்து சிவப்பு!!
நான் வடுகப்பட்டி கருப்பு !!!

திராவிடமும் ஆரியமும் உன் பொழுதுபோக்கு!! மாநில சுயாட்சிஎன்று எப்போதுமே உனக்கு விளையாட்டு !!!

வரலாற்றில் அறிந்த நீரோ மன்னன் ரோம் பற்றி எரிந்தபோது பிடில் வாசிந்தானாம்..!!

நீ வாழும் நீரோ மன்னன்!! ஈழம் பற்றி எரிந்தபோது நீ மானாட மயிலாட பார்த்து களிபுற்றாய். ..!!

கை கட்டி வேடிக்கையும் பார்ப்பாய்!! போனபின் இரங்கல்பாவும் பாடுவாய் !!

முட்டை போண்டவிலிருந்து போண்டவுக்கே தெரியாமல் முட்டையை திருடும் செப்படி வித்தைக்காரன் நீ !!

விஞ்ஞானத்தில் அவரவர் பேன், கிரைண்டர் கண்டுபிடிக்க ஊழலை கண்டுபிடித்த நியூட்டன் நீ !!(நியூட்டன் ஆத்மா மன்னிக்க)

ஏய் குமாரா!! உற்று பார் தமிழ் மட்டும் படித்து இன்று ஆசிய பணக்காரர் ஆனவரை!!  

(இந்த துதி போதுமா இன்னும் கொஞ்சம் வேணுமா !!)

அன்புடன் 

அசோக் குமார்

முதல்வருக்கு அம்மாவுக்கு சில யோசனைகள்- நானே சிந்திச்சேன்

"கொடுமை கொடுமைன்னு கோயிலுக்கு போனா அங்க ரெண்டு கொடுமை ஜிங்கு ஜிங்குனு ஆடுச்சா   ம்" இந்த பழமொழி யாருக்கு பொருந்துமோ இல்லையோ நம்ம தமிழ் நாடு மக்களுக்கு பொருந்தும். கருணாநிதியும் அவங்க குடும்பமும் தமிழ் நாட்டையே கொள்ளை அடிக்கறாங்கன்னு ஆட்சிய புடுங்கி கொட நாட்டுல தூங்கிகிட்டு இருந்தவங்கள எழுப்பி, இவங்ககிட்ட கொடுத்தா, சித்தன் போக்கு சிவன் போக்கு மாதிரி நல்லா செயல்பட்டுகிட்டு இருந்த திட்டங்களை எல்லாம் ஒரே அறிக்கையில காலி பண்றாங்க அம்மா.

கருணாநிதி ஆட்சியில் கொண்டு வந்த திட்டங்கள் என்பதற்காகவே சில திட்டங்கள் நிறுத்தப்படுகின்றன. திட்டங்களில் குறைப்பாடு இருப்பின் குறைகளை நீக்கி செயல்படுத்தலாம் , அதை விடுத்து அந்த திட்டத்தையே நிறுத்துவது முறையல்ல. 

எதிர் கட்சிகளும் சில ஊடகங்களும் இந்த திட்டங்கள் நிறுத்தப்பட்டதால் பல கோடி ருபாய் நாட்டுக்கு நட்டம் என சொல்ல தொடங்கி உள்ளன. 

அந்த சில கோடி ருபாய்களை எப்படி சேமிப்பது !!

சில நிறுத்தப்பட்ட திட்டங்களும் அதில் போடப்பட்ட பணத்தை மீட்கும் வழிகளும்..!! நானே  யோசிச்சது !!

1 . ஒமந்தூரார் தோட்டத்தில் கட்டப்பட்ட புதிய சட்டமன்ற கட்டிடம் தற்போதைக்கு பயன்படுத்த மாட்டாது.இழப்பு : 1000  கோடி

           என்ன செய்யலாம்: அந்த கட்டிடத்தை ஏதாவது சாப்டுவேர் கம்பனிக்கு வாடகைக்கு விடலாம் அல்லது ஷாப்பிங் காம்ப்ளெக்ஸ் ஆகவோ மாற்றி பணம் பெறலாம்.

2 . சமச்சீர் கல்வி திட்டம் நிறுத்தம்: அச்சிடப்பட புத்தகங்கள் வீண்

            என்ன செய்யலாம்:அந்த புத்தகங்களை எடைக்கு போட்டு பேரீச்சம் பழங்களை வாங்கி மக்களுக்கு இலவசமாகவோ அல்லது ரேஷன் கடையில் காசுக்கோ விற்று சரி செய்யலாம்.

3 . கலைஞர் காப்பீடு திட்டம் நிறுத்தம். ஏழை எளிய மக்கள் பயன்பெற்ற திட்டம்  அடியோடு நிறுத்தப்படுகிறது.

என்ன செய்யலாம்: அதற்காக கொடுத்த அடையாள அட்டைகளை தேர்தல் நேரத்தில் பயன்படுத்தும் அடையாள அட்டைகளாக பயன்படுத்த சொல்லலாம்.

 4 . மெட்ரோ ரயில் திட்டம் மறக்கப்பட்டு மோனோ ரயில் திட்டம் செயல்படுத்தப்படும்.

என்ன செய்யலாம்: உங்களுக்கு ஒட்டு போட்ட மொத்த மக்களையும் மெட்ரோ ரயில் பாதைக்காக தோண்டிய குழியில் போட்டு புதைத்து விட்டால் சுத்தம், ஒரு பய ஏன்னு கேட்க முடியாது.


 இது எதோ ஏன் சிறு அறிவுக்கு எட்டியது, இதை விட நல்ல யோசனைகள்  இருப்பின் பின்னுடத்தில் தெரியப்படுமாறு கேட்டுகொள்கிறேன்!!!

அன்புடன்

அசோக் குமார்   

படித்ததும் பிடித்தும்- 08 -06 -2011

 காஞ்சிபுரத்தை அடுத்த ஓச்சேரி அருகே, ஆம்னி பஸ் பள்ளத்தில் கவிழ்ந்து தீப்பிடித்ததில், தீயில் கருகி, 23 பேர் உயிரிழந்துள்ளனர் அவர்கள் ஆத்மா சாந்தி அடைய இறைவனை வேண்டுகிறேன்
====================================================

எல்லா ஊடகங்களிலும் தயாநிதி மாறனின் தில்லு முல்லு பற்றியே பேச்சாக இருக்கிறது. இந்த முறை தயாநிதி மாறன் தப்பிப்பது சற்று கடினம் என்றே தோன்றுகிறது. டெல்லி வட்டாரங்களும், சோனியாவும் கூட தயாநிதி மாறனை கை விட்டதாகவே உணர்கிறேன். நாம் ஏதோ காலாநிதி மாறன் தன்  சுய அறிவையும் பொருளாதார உத்திகளையும் பயன்படுத்தி சன் குழுமத்தை வளர்த்ததாக தப்பு கணக்கு போட்டுவிட்டோம். இப்போதுதான் தெரிகிறது பலரையும் மிரட்டி பணிய வைத்து இவர்கள் வாழ்ந்த கதை. இன்னும் நம் பொம்மை பிரதமர் ஏதும் இது பற்றி கருத்து சொல்லவில்லை, பொறுத்திருந்து பார்ப்போம். 

====================================================

பாபா ராம்தேவ் நடத்தும் உண்ணாவிரதமும், அதை தடுக்க மத்திய அரசு நடத்தும் கூத்துகளும் சகிக்க முடியவில்லை. பாபா ராம்தேவ் நல்லவரோ கேட்டவரோ அது அவசியமில்லை, இவரை அடக்குவதற்கு பதிலாக அந்த சட்டத்தை கொண்டுவந்து நல்ல அரசு என்று நிருபிக்கலாமே. இதற்கு ஒரு படி மேலே போய் வருமான வரி துறையை அனுப்பி சோதனை செய்து மறைமுகமாக மிரட்டி பார்க்கிறது அரசு. இவ்வளவு நாள் தெரியவில்லையா அவர் மோசடி வழியில் சொத்து சேர்த்தார் என்று.  சர்வாதிகார நாடுகளில் தான்இது போன்ற கூத்துகள் நடக்கும் என்றால் இந்தியாவில் கூட இது மாதிரி நடப்பது வேதனை.

=========================================================

"தி.மு.க., இனி ஆட்சிக்கு வந்து, சட்ட மேலவையை கொண்டுவர வாய்ப்பே இல்லை. அஸ்தமனமான சூரியன் அஸ்தமனமானது தான்; இனி உதிக்கவே உதிக்காது,'' என, சட்டசபையில் முதல்வர் ஜெயலலிதா திருவாய் மலர்ந்துள்ளார். சட்ட சபை தேர்தலுக்கு முன்பு அழகிரி கூட இப்படித்தான் தேர்தலுக்கு பின்பு  அதிமுக என்ற கட்சியே காணமல் போய்விடும் என்று சொன்னார். இப்போ அவரே காணாம போய்ட்டார். அந்த நிலைமை உங்களுக்கும் வராம பார்த்துகிடுங்க.

=======================================================

சீமானோடு நேருக்கு நேர் மோதி ஜெயிக்க முடியாத சிலர், அவரை சுடிதார் மற்றும் புடவையை கொண்டு சுருட்டலாம் என்று வலை பின்னுகிறார்கள் போலும். மேலும் ஒரு வழக்கு சீமானை சுற்றி பின்னப்படலாம் என்கிறது ஊடக செய்திகள். "தம்பி" படத்தில் நடிக்க வாய்த்த பூஜாதான் இப்போது அந்த புடவை ஆயுதம் என்கிறார்கள். கலிகாலம் போலும்!!!!

==================================================

நான் தினமும் பயணிக்கும் சாலையில் (Telegraph street , Berkeley , California), ஒரு காபி ஷாப் , பெயர் மட்டும் கொஞ்சம் வித்தியசமாக இருந்தது. சரி என்று காமெராவை எடுத்து படம் பிடித்து வைத்தேன் இப்போது உங்களிடம் பகிர்ந்து கொள்கிறேன் . அந்த கடையின் பெயர் "மொக்க "

===================================================

நான் ரசித்த புகைப்படம் 

===================================================

நான் ரசித்த காணொளி

மன்மத லீலை படத்திற்காக, MSV இசை அமைத்த பாடல் அருமை.

==============================================

அன்புடன் 

அசோக் குமார்

மணிஷ் திவாரி, பாஜாக - ஒரு ஒப்பிடு

தமிழ்நாட்டில் அரசியல் மாற்றங்கள் புதிய பாதையை நோக்கி புறப்பட்ட வேளையில் , தோல்வியுற்ற கட்சிகள் தீர்ப்பை ஏற்பதாக சொல்லி கொள்கின்றனர் .  அளவுக்கு அதிகமான ஊழல் குற்றச்சாட்டுகளும், ஒரு துறையைக் கூட விட்டு வைக்காமல், அனைத்து துறைகளிலும் கருணாநிதியின் குடும்பத்தினர் மூக்கை நுழைத்து, ஏகபோக ஆதிக்கம் செலுத்தியதும் தான், தி.மு.க.,வை படுதோல்வி அடையச் செய்து, ஆட்சியை பறிகொடுக்க வைத்துவிட்டது. 

         ஸ்பெக்ட்ரம் அலைவரிசை ஒதுக்கீட்டில் 1.76 லட்சம் கோடி ரூபாய் ஊழல் குற்றச்சாட்டு, தி.மு.க., அரசின் பல்வேறு துறைகளில் ஊழல் குற்றச்சாட்டு, இந்த துறையை விட்டு வைத்தனர் என்று கூற முடியாத அளவிற்கு, அனைத்து துறைகளிலும் கருணாநிதி குடும்பத்தினர் மூக்கை நுழைத்து, ஏகபோக ஆதிக்கம் செலுத்தியதன் விளைவால், ஆட்சியைப் பறிகொடுக்க வேண்டிய நிலை ஏற்பட்டுவிட்டது.அரசுத் துறை, சினிமாத் துறை, கேபிள் தொழில் உள்ளிட்ட பல்வேறு துறைகளில் முதல்வர் குடும்பத்தினர், ஐந்து ஆண்டுகளாக அக்டோபுஸ் போல கபளீகரம் செய்து வந்தனர். இதனால், ஒவ்வொரு துறையிலும் பல ஆயிரக்கணக்கானோர் பாதிக்கப்பட்டனர். மேலும், அரசியலிலும் குடும்ப ஆதிக்கம் மேலோங்கியது. இவர்களின் அத்துமீறல்களால், ஒவ்வொரு வகையிலும் பொதுமக்கள் பாதிக்கப்பட்டனர். இந்த கோபத்தை, தேர்தலில் வெளிப்படுத்தியுள்ளனர்.

ஈழ தமிழர் பிரச்சினைக்கு ஆதரவாக தமிழ் நாட்டு மக்கள் காங்கிரஸ் கட்சியையே புறகணிக்க. காங்கிரஸ் கட்சியின் செய்தித் தொடர்பாளர் மணிஷ் திவாரி சொல்வது  தமாசாக உள்ளது. "நடந்து முடிந்த சட்டசபை தேர்தலில், பா.ஜ.,வுக்கு மக்களின் ஆதரவு சிறிதளவு கூட கிடைக்கவில்லை" என்கிறார் மனுஷன் . எனக்கு ரெண்டு கண் போனாலும் பரவாயில்ல எதிராளிக்கு ஒரு கண்ணாவது போகணும் என்பது மாதிரி இருக்குது.   எப்போதான் திருந்த போராங்களோ!!

புதுசா பதவிக்கு வர அம்மா என்ன பண்ண போராங்களோ !!!

கனிமொழி என்கிற டூபாகரும் ராம் ஜெத்மாலனி என்கிற அப்பாடக்கரும்

            

    மஞ்சள் துண்டு மகேசன் கலைஞரின் அருமை புதல்வி கனிமொழியை காப்பாற்ற ஆரிய வக்கீல் ராம் ஜெத்மாலனி வாதாட பழியை  "தகத்தகாய கதிரவனான" தலித் போர்வாள் ராஜா பலிகடா ஆக்கப்பட்டுள்ளார் . 

                    

ஏழை மக்களுக்கு மலிவு விலையில் செல் போன் விற்ற அமைச்சர் ராஜா இன்று கலைஞர் குடும்பத்துக்காக திகார் ஜெயில் கம்பிகளை நிரந்தரமாக எண்ண தயாராகிறார்.  "ராசா தலித் என்பதாலேயே அவரைக் குறி வைத்துத் தாக்குகிறார்கள்" என்று ராசாவின் கைதுக்கு முன்பாக துடித்தெழுந்தார் மஞ்சள் துண்டு. இன்று அவரால் நியமிக்கப்பட்ட "ஆரிய" வக்கீல் ராம் ஜெத்மாலனி இதற்கெல்லாம் முழு காரணம் ராஜா மட்டுமே கனிமொழி இதில் நிரபராதி என வாதாடியுள்ளார். 

          ராம் ஜெத்மாலனி பற்றி கொஞ்சம் பார்ப்போம். இது வரை இந்த மனிதர் ஒரு நல்ல கேசில் ஆஜராகி நல்லவர்களுக்காக வாதாடியதில்லை. இவர் ஆஜரான கேஸ் சில சாம்பிள். 

1. ஹர்சத் மேத்தா என்பவன் செய்த பங்குசந்தை மோசடிக்கு ஆதரவாக 

2. கேதான் ப்ரேக் என்பவன் செய்த பங்குசந்தை மோசடிக்கு ஆதரவாக 

3.நம் பாராளுமன்றத்தை தாக்கிய அப்சல் குரு என்பவனுக்கு  ஆதரவாக 

4. இந்தியாவையே உலுக்கிய ஜெசிக்கா என்ற பெண்ணை கொலை செய்த மனுஷர்மா என்பவனுக்கு  ஆதரவாக

5. இதற்கெல்லாம் சிகரம் வைத்தார் போல இந்திரா காந்தியை கொலை செய்தவர்களுக்கு ஆதரவாக 

ஆகா ராம் ஜெத்மாலனி கனிமொழிக்காக வாதாட போகிறார் என்றவுடன் புரிந்துகொள்ளலாம் குற்றவாளி யார் என்பதை.

இதில் கொடுமை என்னன்னா பாவம் மஞ்சள் துண்டு குடும்பத்துக்காக ஆண்டிமுத்து ராஜாவும், கலைஞர் டிவி இயக்குனர் சரத் ரெட்டியும் பலிகடா ஆக்கபட்டதுதான் .    இதை எல்லாம் பார்க்கும்போது வடிவேல் காமெடிதான் ஞாபகம் வருது "சபாஷ் புலிகேசி ராஜா தந்திரங்களை கரைத்து குடித்து இருகிறாயடா"

அன்புடன் 

அசோக் குமார்