படித்ததும் பிடித்ததும்-03/03/2012

ஈரானின் மீது போர் தொடுப்பதில் நீயா நானா என்று அமெரிக்காவும், இஸ்ரேலும் யோசித்துக்கொண்டு இருக்கின்றன. ஏற்கனவே அமேரிக்கா ஆப்கானிஸ்தான் மற்றும் ஈராக்கில் மூக்குடைப்பட்டு, பொருளாதாரமே சரிவுற்று கிடக்கிறது. இந்த நிலையில் இன்னொரு போரை அமெரிக்கா அரசு திணித்தால் அமெரிக்க மக்களே தெருவில் இறங்கி கல் வீச தயாராகி விடுவார்கள். இந்த விஷயம் ஈரானுக்கும் நன்றாகவே தெரியும். இஸ்ரேல ஒரு போரை நடத்தும் அளவுக்கு வல்லமை கொண்ண்ட நாடா என்பது சந்தேகமே. ஈரானின் அணு விஞ்ஞானியை கொல்லப்பட்டதால் கடும் கோபத்தில்  இருக்கிறது ஈரான். நேற்று கூட போர் வேண்டாம் என ஒபாமா இஸ்ரேல அதிபர் நெதன்யாவுடன் பேசியதாக செய்திகள் வெளி வருகின்றன. பொறுத்திருந்து பார்ப்போம்.

  *************************************************

இணையத்தில் சமீப காலமாக விஜயை கலாய்ப்பதை  நிறுத்திவிட்டார்கள் போலும். அதற்கு பதிலாக விஜய் டிவியில் "ஒரு கோடி" நிகழ்ச்சியை தொகுத்து வழங்கும் சூர்யாவை மையம் கொள்ள ஆரம்பித்திருக்கிறார்கள். உண்மையில் அந்த கேள்விகளை எல்லாம் இரண்டு வயது குழந்தை கூட சொல்லிவிடும். இதில் சூர்யாவின் குற்றம் ஏதும் இல்லை என்றாலும் பணம் தருகிறார்கள் என்பதற்காக இப்படி நிகழ்ச்சிகளில் மாட்டிக்கோடு அசிங்கப்படுவானேன்!!!

************************************************************

 இந்திய கிரிக்கெட் அணிக்கு இது போதாத காலம் போல. கிரிக்கெட் என்பது ஒரு மதம் போல பாவிக்கப்டுவது நம்ம ஊரில் மட்டுமே. ஒரு பிளேயர் சரியாக விளையாடவிட்டாலும் அவரை தூக்கி அடிக்க மற்ற கிரிக்கெட் வாரியங்கள் தயங்குவதில்லை, சமீபத்திய உதாரணம் ரிக்கி பாண்டிங் . மூன்று முறை ஆஸ்திரேலியா அணிக்கு உலககோப்பை வங்கி தந்த ஆளுக்கு இந்த நிலைமை. நாம் இன்னும் அடுத்த தலைமுறை ஆட்டக்காரர்களை தெரிவு செய்யாமலே இருக்கிறோம். எல்லாவற்றிற்கும் ஒரு கால அளவு இருக்கிறது, இந்திய கிரிக்கெட் அணிக்கும் ரெப்ரெஷ் பொத்தானை அழுத்தவேண்டிய நேரமிது, விழித்துகொள்ளுமா  இந்திய கிரிக்கெட்  வாரியம்???

******************************************************

அரவான் படத்தை பற்றி நிறைய விமர்சனங்கள் பதிவுகளில் படித்து ரொம்பவே குழம்பி போயுள்ளேன், நல்ல இருக்கு என ஒரு சாரரும் மொக்கை என ஒரு சாரும் சொல்லி என்னை ரொம்பவே குழப்பி விட்டுள்ளனர். ஆனாலும் பார்த்தே தீரவேண்டும் என்ற முடிவில் இருக்கிறேன், எந்த பெரிய எதிர்ப்பார்ப்பும் வைத்து கொள்ளாமல்!!!

****************************************************

நம்ம டி ஆரோட ரீமிக்ஸ் பாட்டு!!!

 ********************************************

 டி ஆருக்கு அப்படி ஒரு முகம் இருந்தாலும் இந்த பாடல் ஒரு மாஸ்டர் பீஸ். உயிருள்ளவரை உஷா படத்திற்காக "வைகை கரை கற்றே நில்லு" அவரே இசையமைத்து எழுதிய பாடல். இதில் ஸ்பெஷல் என்னனா யேசுதாசின் குரல். காதல் சோகத்தை இதை விட எப்படி பாடி விட முடியும். 

****************************************************

 அன்புடன் 

அசோக் குமார் 

படித்ததும் பிடித்ததும்- 07/02/12

சட்ட சபையில் உட்கார்ந்து கொண்டு எதை பார்க்க கூடாதோ எங்கே பார்க்க கூடாதோ அதை பார்த்து கொண்டு இருந்ததால் இன்று நாடே அந்த மனிதர்கள் (மனிதர்கள் தானா???) மீது காரி உமிழாத குறையாக திட்ட வேண்டும் போல் இருக்கிறது.

********************************************
இந்திய கிரிக்கெட் அணியின் சொதப்பலான ஆட்டத்தை பார்த்து வெறுத்து போன சஹாரா நிறுவனம் தான் வழங்கி  வந்த  ஸ்பான்சரை பிடுங்கி ஹாக்கி அணியிடம் கொடுக்க முன் வந்துள்ளது பாராட்டப்படவேண்டிய விஷயம். காலம் கடந்தாவது நல்லது நடந்தால் சரிதான். இனியாவது இந்தியாவின் தேசிய விளையாட்டு புத்துயிர் பெறட்டும்.
*********************************************
டைம் (TIME) பத்திரிக்கை வெளியிட்டுள்ள நூறு சிறந்த உலக படங்களின் வரிசையில் சத்யஜித் ரே  இயக்கிய "The Apu Trilogy" என்ற படமும், தமிழில் மணிரத்னம் இயக்கி வெளிவந்த "நாயகன் படமும் இடம் பிடித்துள்ளது. அதன் இணைப்பு இங்கே .
*******************************************
யு டியூபில் இந்த காணொளியை எதேச்சையாக காணும்படி நேர்ந்தது. "தேவர் மகன்" படத்தில் இடம் பெற்ற "இஞ்சி இடுப்பழகி" பாடல் உருவான கதை ஒன்றை வெளியிட்டு இருந்தனர். கொஞ்சம் சுவாரசியமாக இருந்ததால் உங்களிடம் பகிர்ந்து கொள்கிறேன்.

******************************************************

நேற்றுதான் நண்பன் படம் பார்த்தேன், ஏற்கனவே "3 idiots" படத்தை மூன்று நான்கு முறை பார்த்துவிட்டேன், இதில் புதிதாக ஷங்கர் என்ன செய்திருக்கிறார் என்று பார்க்கவே இந்த படத்தை பார்த்தேன். படத்தில் என்னை ரொம்பவும் கவர்ந்தது சத்யன் மட்டுமே. படத்தில் சத்யராஜ் கேரக்டரும் சத்யன் கேரக்டரும்முக்கியத்துவம் வாய்ந்தவை. அந்த வகையில் இருவருமே தங்கள் பத்திரத்தை உணர்ந்து நடித்திருந்தார்கள். கிளைமாக்ஸ் காட்சியில் அமீர் கான் போலவே முகபாவங்களை கொடுத்திருக்கிறார் விஜய் அட்டை காபி தான் என்றாலும் நல்லாவே இருந்தது.

*************************************************

spider man  படத்தின் புதிய படம் ஒன்றின் ட்ரைலர் வெளி வந்திருக்கிறது. படம் இந்த சம்மரில் வெளியிடப்படும் போல தெரிகிறது.

**********************************************

நான்  ரசித்த  புகைப்படம்

 ****************************************************
நான் ரசித்த பாடல் 

"இசைஞானி இளையராஜாவின்" இசை அறிவைப்பற்றி நான் சொல்லி யாருக்கும் தெரிய வேண்டியதில்லை.குறிப்பாக"ஹே ராம்" படத்தில் "இசையில் தொடங்குதம்மா" பாடல் என்னை எப்பவும் ஆச்சர்யப்படுத்திக்கொண்டே இருக்கிறது. எப்போது கேட்டாலும் ஏதோ புதிதாக கேட்பது போல் இருப்பதே இதன் சிறப்பு என்று நினைக்கிறேன். இந்த பாடலின் குரல் தேர்வும் அப்படியே, "அஜய் சக்ரபோர்த்தி" என்ற பெங்காலி பாடகர் தமிழை இவ்வளவு சிறப்பாக உச்சரித்திருக்கிறார்.

***********************************************

அன்புடன் 

அசோக் குமார்

படித்ததும் பிடித்ததும்

தமிழக அரசியலில் பெரும் திருப்பம் நிகழ்ந்திருக்கிறது, இதுவரை நகமும் சதையுமாக இருந்துவந்த முதல்வர் ஜெயலலிதாவும், சசிகலாவும் பிரிந்திருக்கின்றனர், பிரிந்தனர் என்பதை விட சசிகலா துரத்தப்பட்டுள்ளார் என்றுதான் சொல்லவேண்டும். இதற்க்கு முன்பு கூட இதுபோல் ஒருமுறை நடந்து மீண்டும் தன்னுடன் இணைத்துக்கொண்டார். இதுவும்  ரொம்ப நாள் நீடிக்காது என்று சொல்பவர்கள் உண்டு. ஒன்றுமட்டும் தெரிகிறது, இது நீடித்தால் தமிழ்நாட்டுக்கே நல்லது என்று. காலம் தாழ்த்திய நடவடிக்கை என்றாலும் பாராட்டுக்குரியது. இனியாவது ஆட்சி நிரவாகத்தில் எந்த அதிகார மையத்தின் தலையீடும் இல்லாமல் நல்லாட்சி நடந்தால் மகிழ்ச்சியே.

===========================================

மத்திய அரசு நினைத்தது ஓரளவு நடந்துவிடும்  போல் தோன்றுகிறது. தமிழக மக்கள் மற்றும் அரசியல்வாதிகளின் கவனத்தை திசை திருப்ப முல்லை பெரியாறு ஆணை பிரச்சினையை அவர்கள் வளர்த்துவிட மக்கள் முல்லைபெரியாரை குறிவைத்து போராட்டம் நடத்தி வருகின்றனர். கூடங்குளம் பிரச்சினை எங்கே இரட்டடிப்பு செய்யப்படுகிறதோ என்ற எண்ணம் தோன்றுகிறது.

========================================

முப்பொழுதும் உன் கற்பனைகள் படத்தின் புகைப்படங்களை பார்த்தேன், புகைப்படங்களே, படத்தின் எதிர்ப்பார்ப்பை கூட்டுகின்றன. நடிகர் முரளி மகன் அதர்வா-அமலபால் நடிக்கும் இப்படத்தின் மூலம் அதர்வா நல்ல இடத்தை தமிழ் சினிமாவில் பிடிப்பார் என்றே தோன்றுகிறது. பொறுத்திருந்து பார்ப்போம்.

 =============================================

நான் ரசித்த புகைப்படம்
முக புத்தகத்தில் கண்டெடுத்தது.

========================================

MS. விஸ்வநாதனும் இளையராஜாவும்  இனைந்து இசையமைத்த இந்த "மெல்ல திறந்தது கதவு" படத்தின் பாடல்கள் அனைத்தும் சூப்பர் ஹிட். அந்த வகையில் இந்த பாட்டு என் விருப்பத்திற்குரிய பாடல்.

======================================

அன்புடன் 

அசோக் குமார்

படித்ததும் பிடித்ததும்-12-10-2011

காவிரி, கிருஷ்ணா அணைகள் போல முல்லை பெரியாறு அணை விசயத்திலும் நாம் சோடை போகப்போவதற்க்கான அறிகுறிகளே தெரிகின்றன. வைகோ மட்டும் அங்கங்கே மேடை போட்டு குரல் கொடுப்பதவும், நம் தமிழக அரசு இந்த பிரச்சினைக்கும் அரசுக்கும் சம்மந்தமே  இல்லை என்பது போலவும் நடந்துகொள்கிறது. ஆளும் கட்சி ஒரு முழுநாள் "அடைப்பு போராட்டத்தை அறிவித்து மத்திய அரசை நிர்பந்திக்காமல், ஏனோ தானோ என்று இருப்பது கவலை அளிக்கிறது. 

=======================================

எல்லா ஊடகங்களிலும் சேவாக்கே  ஆக்ராமித்திருந்தார் நேற்று முழுவதும். ஒருநாள் போட்டிகளில் அவரின் இரட்டை சதம் எதிர்பார்த்த ஒன்றுதான் என்றாலும், இந்த சாதனையை சச்சின் முதலில் நிகழ்த்தினார். நீண்ட நாட்களாக சோபிக்காமல் இருந்த சேவாக்  மறுபடியும் பார்முக்கு திரும்பி இருப்பது இந்திய  அணிக்கு நல்ல விஷயம்தான்.

======================================

பெரும் பிரச்சினைகளுக்கு பின்னால் சிம்புவின் "ஒஸ்தி" வெளிவந்திருக்கிறது. ஹிந்தி டபாங் படத்தைதான் எடுத்திருக்கிறார்கள் என்பது அறிந்ததே. டபாங் படத்தை ஏற்கனவே  பார்த்துவிட்டேன், படம் அருமையான மசாலா கலவை. ஒஸ்தியை இன்னும் பார்க்கவில்லை. "கலசலா" பாட்டு எனக்கும் பிடித்திருக்கிறது. ரொம்ப நாளைக்கு பிறகு L.R. ஈஸ்வரி குரலை கேட்க்க நல்லாத்தான் இருக்கு. 

========================================

மெக்டோனல்ட் மற்றும் KFC பிரியர்கள் இதை கொஞ்சம் கூர்ந்து கவனிக்கவும் 

 =============================================
நான்  ரசித்த புகைப்படம்

============================================

AR. ரெஹ்மானின் இசையில் 90-களில் வந்த மெலடி பாடல்கள்  ரொம்பவே இனிமையானது. புதிய முகம் படத்திற்காக " நேற்று இல்லாத மாற்றம்" !!திரை பாடலில்கூட கவிதையை இருக்கிறது .

"கடவுள் இல்லை என்றேன், தாயை காணும் வரை
கனவு இல்லை என்றேன், ஆசை தோன்றும் வரை
காதல் பொய் என்று சொன்னேன் உன்னை காணும் வரை
கவிதை வரியின் சுவை, அர்த்தம் புரியும் வரை
கங்கை நீரின் சுவை, கடலில் சேரும் வரை
காதல் சுவை ஒன்று தானே காற்று வீசும் வரை!!!!

=========================================

அன்புடன் 

அசோக் குமார்

படித்ததும் பிடித்ததும்- 24-11-2011

இந்த ஆண்டு கபடி உலகக்கோப்பையை இந்திய ஆண்கள் மற்றும் பெண்கள் அணி வென்றெடுத்துள்ளது என்ற செய்தி நம்மை மகிழ்ச்சிப்படுத்தும் முன், கோப்பையை வென்று எடுத்தபின் அவர்களின் நிலையை கேட்டபோது, ரொம்பவே பரிதாபமாக இருந்தது. கோப்பையை வென்று, தங்கி இருந்த விடுதியை விட்டு வெளியில் வந்தபோது, அவர்கள் தடுத்து நிறுத்தப்பட்டு இருக்கிறார்கள், ஏன் என விசாரித்தபோது, அதற்க்கான பணம் செலுத்தவில்லையாம் நிர்வாகிகள். சரி ஒரு வழியாக வெளியில் வந்தபோது, கோப்பையை எடுத்துக்கொண்டு வீட்டிற்க்கு போக ஒரு ஆட்டோ ரிக்க்ஷாவை பிடித்து போயுள்ளனர். 

ஆட்டங்கள் தொடங்குவதற்கு முன்பே பேருந்து விபத்தில் சிக்கி உடைகள் அனைத்தும் பாழாகிப்போன நிலையில் ஒரே உடையை அணிந்து, ஆடி கோப்பையை வென்றுள்ளனர். மதிப்பு மிக்க இந்த ஆட்டக்காரர்களை, தலையில் வைத்து கொண்டாடி இருக்க வேண்டாம், குறைந்தபட்சம்  தரையில் போட்டு மிதிக்காமலாவது இருக்கலாம்!!!

 *************************************************

குஷ்பூவிற்கு வாயில் சனி என்று நினைக்கிறேன், எதையாவது பேசி வம்பை விலைக்கு வாங்குவது. இந்த முறை நமிதா குட்டை பாவாடை அணிவதை வரவேற்கிறேன், என்று பேசி வம்பை விலைகொடுத்து வங்கி இருக்கிறார். இந்த பேச்சை கேட்ட இந்து மக்கள் கட்சி, கோவணம் அணிந்து இவர் வீட்டிற்க்கு போனால் ஏற்றுக்கொள்வாரா என கேல்கி எழுப்பி இருக்கிறார்கள். அனால் இதில் சமந்தப்பட்ட நமீதாவே வாய் மூடி மௌனியாய் இருக்கும்போது குஷ்பு ஏன் இப்படி சம்மந்தம் இல்லாமல் ஆஜராகிறாரோ???

****************************************************

கனிமொழி, ராஜா சமந்தப்பட்ட 2G வழக்கில் அடி மேல் அடி விழுகிறது, இதுவரை வழக்கு விசாரிக்கு வரும் சாக்கிலாவது, வெளியில்் வந்து கொஞ்ச நேரம் இருக்க முடிந்தது, இப்போது அதற்க்கும் வெடி வைத்துவிட்டார்கள்,வழக்கு விசாரணை சிறையிலேயே நடக்கும் என்று அறிவித்துவிட்டார் நீதிபதி, என்னமோ நடக்குது. 

******************************************

ஜெயலலிதாவின் சொத்துகுவிப்பு வழக்கு விசாரணை ஒரு வழியாக முடிந்துவிட்டது. கொஞ்சம் சீக்கிரமாக தீர்ப்பை அறிவித்தால் நீதிபதிகளுக்கு புண்ணியமாய் போகும். இதற்க்கு எத்தனை ஆண்டு காலம் எடுத்துகொள்ளப்போகிரார்கள் என்று தெரியவில்லை. !!!

****************************************************

நான் ரசித்த புகைப்படம் 

பேஸ் புக்கில்  பார்த்து போது இந்த புகைப்படத்தை ரொம்பவே பிடித்து போனது.

*************************************************

 ஆண்டுகளை கடந்தும் இளையராஜாவின் இசை நம்மை கட்டி போட்டு  வைத்திருப்பதின் மர்மம் மட்டும் ஏனோ எனக்கு விளங்கவே இல்லை. அதிலும் இளையராஜாவின் குரலிலேயே அவர் "தர்ம பத்தினி"  படத்திற்காக பாடிய " நான் தேடும்" பாடல் என்னுடைய விருப்பமான பாடல். பாடலின் முதலில் இளையராஜாவின் ஆலாபனை அற்புதம் !!

***********************************************

அன்புடன் 

அசோக் குமார்

விஜய் மல்லையாவும் நம் பிரதமரின் துடிப்பும்

விஜய் மல்லையாவின் "கிங் பிஷேர்" விமான நிறுவனத்தின் நட்டக்கணக்கை சரி கட்ட நமது மத்திய அரசு முன்வரவேண்டும் என இந்தியாவின் பிரபலமான "வியாபார காந்தம்" மல்லையா ட்விட்டரில் சில நாட்களாக கூவி வருகிறார். நாட்டில் எங்கும் ஊழல், விலைவாசி உயர்வு, தெலுங்கானா பிரச்சினை, தமிழக மீனவர் பிரச்சினை, விவசாயிகள் தற்கொலை, கூடங்குளம் அணுமின் நிலைய பிரச்சினை என நாட்டில் ஆயிரம் பிரச்சினைகள் இருந்தும்  வாயே திறக்காத நமது "மாண்புமிகு" (மரியாதை ரொம்ப முக்கியம் அமைச்சரே) கிங் பிஷேர் நட்டத்திற்கு மட்டும் உடனடியாக எதாவது நாம் செய்ய வேண்டும் என்று விமானத்தில் பறந்துகொண்டே கூவுகிறார். ஒன்று நன்றாக புரிகிறது, இது மக்களுக்கான அரசு alla, கார்பரேட்   முதலாளிகளுக்கானது. நமக்கே தெரியாமல் நம் பையில் இருந்து பணத்தை உருவப்போகிறார்கள்! வாழ்க ஜனநாயகம் !!!

************************************************

சச்சின் நூறாவது சதத்தை அடிப்பாரா மாட்டாரா என்று தினமும் கூவுவதே இந்த ஊடகங்களுக்கு வாடிக்கையாகி விட்டது. தேவை இல்லாமல் அந்த மனிதருக்கும் கண்ணுக்கே தெரியாத அழுத்தத்தை ஏற்படுத்துவதில் இந்த ஊடகங்களுக்கு என்ன ஆசையோ. எல்லோரும் தான் அதை விரும்புகிறோம், ஆனாலும் கொஞ்சம் பொறுமை  தேவை. 

************************************************

ஆஸ்திரேலியாவின் சிறந்த கிரிக்கெட் விமர்சகரான "பீட்டர் ரோபுக்" தற்கொலை செய்துகொண்டார் என கேள்விப்பட்டு ரொம்பவும் வருத்தப்பட்டு போனேன். ஒரு வாலிபரை செக்ஸ் தொல்லைக்கு உட்படுத்தியதால், காவல்துறை விசாரணைக்கு பயந்தே அவர் தற்கொலை செய்துகொண்டார் அணவும், அவர் நல்ல மனிதர் என்று ஒரு சாரரும் வாதிடுகிறார்கள். எது எப்படியோ நடுநிலையாக விமர்சனம் செய்வதில் அவருக்கு  நிகர் அவரே!! அவர் ஆன்மா சாந்தி அடைய இறைவனை வேண்டுகிறேன் !!

********************************************** 

சில நாட்களுக்கு முன் பேஸ் புக்கில் பார்த்து ரசித்தது இந்த படத்தைதான். எப்படி எல்லாம் ஏமாத்தறாங்க பாருங்க !!!

************************************************** 

சில கீச்சுக்கள்

ilangumaran இளங்குமரன்

 பல கொடிய நோய்களுக்கு மருந்து கண்டுபிடித்த போதிதர்மரால் கூட வழுக்கைக்கு மருந்து கண்டுபிடிக்க முடியவில்லை

 

Rocket_Rajesh சிவகங்கை சிங்கம்

நீங்களே குளிக்கனும்ன்னு நெனச்சா அது உங்களுக்கு நன்மை, நாலு பேரு சேந்து உங்கள குளிக்கச்சொன்னா அது இந்த சமுதாயத்துக்கே நன்மை..!

 

rajarajan_r இராஜராஜன்

மக்கார் பண்ற வண்டியையும் ரொம்ப தூரம் ஓட்டுபவன் தான் நல்ல டிரைவர் ..

 

 

naiyandi நையாண்டி

பைக்கில் செல்லும் போது துப்பட்டாவை இழுத்து கட்டுங்கள்! இல்லையெனில் வாழ்க்கை சக்கரம் நின்றுவிடும்!

 

JanuShath JanuShath

பிரிவு கனக்கிறது என்றால் பிரியாமல் இருந்திருக்கலாமே என்று மிகப்புத்திசாலித்தனமாய்க் கேள்விகேட்போர் பலர்...

 

 naiyandi நையாண்டி

என்னடா கொடுமை இது! 108 போனக்கூட வழி விடமாட்டேன்கிறாங்க!

**************************************************

 "அவள் அப்படித்தான்" படத்தில் இந்த பாடல் என்னமோ எனக்கு ரொம்பவும் பிடித்து போய் விட்டது. இந்த "பன்னீர் புஷ்பங்களே" பாட்டைவிட  எல்லோருக்கும் "உறவுகள் தொடர்கதை " பாட்டுதான் எல்லோருக்கும் பிடிக்கும். கமல் தன் சொந்த குரலில் பாடிய பாடல், ஒரு வித மென் சோகம், இந்த பாடல் முழுவதும் இழையோடும் அது தான் இந்த பாடலின் சிறப்பம்சம்.

*******************************************************

அன்புடன் 

அசோக் குமார்

படித்ததும் பிடித்ததும் 03/11/2011

இளையராஜா  அவர்களின் மனைவி ஜீவா இளையராஜா அவர்கள் மறைந்த செய்தி கேட்டு மிகவும் வருந்துகிறேன். அவர்கள் ஆத்மா சாந்தி அடைய இறைவனை வேண்டுகிறேன்.
---------------------------------------------------------------------------------------------------
  என்னடா ஒருத்தர் தன் குடும்பத்தையே வச்சு எல்லோரையும் சுரண்டறார்னு இந்த அம்மாவை உட்கார வச்சா, அதை மாத்தறேன் இதை மாத்தறேன் அப்படின்னு  சொல்லி காமெடி பண்ணிக்கிட்டு இருக்காங்க. நான் ஒன்றும் குழந்தைகள் நல மருத்துவமனைக்கு எதிரானவன் அல்ல. ஆனாலும் நன்றாக இயங்கிக்கொண்டு இருக்கும் ஒரு நூலகத்தை தேவை இல்லாமல் கை வைத்து தன் பெயரை கெடுத்துக்கொள்ள (கெடுத்துகிட்டு ஆச்சு ) போகிறார் என்றே தோன்றுகிறது.அதற்காக நல்ல இடமாக பார்த்து ஒரு கட்டிடம் கட்டிவிட்டு போங்களேன். கருணாநிதி கட்டிய அனைத்தையும் மாற்றலாம் என்று கிளம்பினால் அப்புறம் மக்கள் எங்கே நலப்பணி எங்கே. இது தமிழ்நாட்டு மக்களின் சாபக்கேடு போலும். பேசாமல் கவர்னர் ஆட்சியை தமிழ் நாட்டில் அமல்படுத்திவிடலாம்.
---------------------------------------------------------------------------------------------------

 வெகு நாட்களுக்கு பிறகு உருப்படியான ஒரு வேலையை செய்திருக்கிறார்கள். ரங்கநாதன் தெருவில் விதிகளை மீறி கட்டப்பட்டுள்ள கட்டிடங்களுக்கு சீல் வைத்து மூடி இருக்கிறார்கள்.  ஏற்கனவே தீ விபத்து ஏற்பட்டு சில உயிர்களை காவு கொடுத்தும் இவர்கள் எந்த நடவடிக்கையும் எடுத்த பாடில்லை. திரும்பவும் இது போன்ற தவறுகள் ஏதும் நடக்காமல் பார்த்துகொள்வது அவசியம் .
-----------------------------------------------------------------------------------------------------
போதி தர்மரை பற்றி தாறுமாறாக பல செய்திகள் வந்து தமிழர்களே பிளவு பட்டு விடும் அளவுக்கு பலத்த விமர்சனங்கள்  முன் வைக்கபடுகிறது. முருகதாஸ் இதை வெளிக்கொண்டு வந்தது ஒரு வியாபார நோக்கதிற்க்காகதான் என்றாலும் அதை சினிமாவோடு நிறுத்திகொண்டார். நாம் தான் ஈரை பேனாக்கி, பேனை பெருமாளாக்கி விடுவோமே !! ஏதோ சுமுகமாக முடிந்தால் சரி.
----------------------------------------------------------------------------------------------
 நம்ம ஆளுங்க எப்படி எல்லாம் யோசிக்கறாங்க பாருங்க (பேஸ் புக்கில் கண்டுஎடுத்தது ).

 

---------------------------------------------------------------------------------------------------

 இளையராஜா அவர்களின் இசையில் வெளிவந்த "இன்று நீ நாளை நான்" படத்தின் இந்த பாடல் எப்போதும் கேட்க தூண்டும். S. ஜானகி அவர்கள் எவ்வளவோ பாடல்கள் பாடி இருந்தாலும் இந்த பாடல் அவர்கள் இசை பயணத்தில் இந்த பாடல் ஒரு வைரக்கல். 

---------------------------------------------------------------------------------------------

அன்புடன் 

அசோக் குமார் 

படித்ததும் பிடித்ததும்-23-10-2011

இரண்டு  நாட்களாக நிம்மதியாக தூங்ககூட முடியாமல் இந்த பூமி அதிர்வு என்னை பயமுறுத்திக்கொண்டு இருக்கிறது. போன புதன் கிழமை இரண்டு முறையும் வெள்ளிகிழமை ஒருமுறையும் 4.2, 3.8 ரிக்டர் அளவீடுகளில் முறையே அதிர்ந்தது. பெர்கேலேயில் (Berkeley, Sanfransisco Bay area) மட்டும் இது தாக்கியது. இரவு தூங்க போகும் முன் அதிர்ந்து தொலைக்கிறது. பழைய சங்கதியை கேட்டால் கொஞ்சம் மனக்கலக்கம்தான்  வருகிறது. 1989 -இல் நடந்த பெரிய பூமி அதிர்வில் ரிக்டர் குறியில் 6.9 அளவில் தாக்கி இருக்கிறது. 3000 பேருக்கும் அதிகமானோர் காயமடைந்தும் சுமார் 50  பேர் இறந்தும் பொய் இருக்கிறார்கள். என்ன வாழ்க்கைடா இது !!!

===========================================

ஜப்பானில் சுனாமிக்கு பிறகு சுற்றுலா பயணிகளின் வருகை பெருமளவு குறைந்துவிட்டதை அடுத்து ஜப்பான் அரசும், ஜப்பான் சுற்றுலா வளர்சிக்கழகமும் இணைந்து புது திட்டம் ஒன்றை புனைந்துள்ளது. உலகமெங்கும் இருக்கும் 10000 நபர்களுக்கு இலவச விமான பயணசீட்டு ஜப்பானுக்கு வழங்கப்படும். இதற்கான விண்ணப்பங்கள் மினஞ்சல் மூலம் பெறப்பட்டு பரிசீலணைக்கு உட்படுத்தப்பட்டு வழங்கப்படவிருக்கின்றன. நீங்க செய்யவேண்டியது ஒன்றுதான். இந்த பயணத்தைப்பற்றி கட்டுரையோ அல்லது மின்னஞ்சல் மூலமோ அல்லது உங்கள் பதிவுகள் மூலமோ புகைபடன்கையும் இந்த சுற்றுப்பயண அனுபவத்தை பகிர்ந்துகொண்டு  பிரபலப்படுத்தவேண்டும், அதற்கான  சுட்டி இங்கே !!!

=============================================

உள்ளாட்சி தேர்தல் முடிவுகள் வந்து எல்லோரும் பதவி ஏற்க தயாராகிவிட்டார்கள்.  எல்லா நிலைகளிலும் இப்போதும் அம்மாவின் ஆட்சிதான் இன்னும் 5 வருடத்திற்கு அம்மா வைத்ததுதான் சட்டம். வாழ்க ஜன நாயகம். 

===============================================

இந்த உள்ளாட்சி தேர்தல் ஒரு நல்ல விஷயத்தை வெளிக்கொணர்ந்துள்ளது, அது காங்கிரஸ் கட்சிக்கு அடிப்படையிலே எந்த செல்வாக்கும் இல்லை என்பதுதான் அது. சத்யமூர்த்தி பவனில் அடிக்கடி ஸ்டண்ட் ஷோ  நடத்தும் இவர்கள் என்று மக்களை சந்தித்தார்கள். யாராவது ஒருவர் முதுகின் மீது சவாரி செய்துகொண்டே பழக்கப்பட்டு போனவர்கள், இன்று தெரிந்திருக்கும் இவர்களின் உண்மை நிலை. அதிலும் உள்ளாட்சி தேர்தல் என்பது அந்த சுற்று வட்டாரத்தில் தனிப்பட்ட செல்வாக்கு வைத்திருந்தால் கூட வெற்றி பெற்று இருக்க முடியும், அதிலும் இவர்களுக்கு வைக்கவில்லை. இனியாவது உண்மை நிலைமயை புரிந்து கொண்டால் நல்லதுதான். 

================================================

இங்கே பிரீமொன்ட் (Fremont, California) என்னுமிடத்திற்கு  போய் இருந்தேன். அமெரிக்காவின் ஒரு மூலையில் ஒரு பெரிய கோயிலையே நிர்வகித்து வருகிறார்கள். ஒரு குட்டி இந்தியாவையே அங்கே பார்க்க முடிந்தது. என்னதான் அமெரிக்காவில் குடியேறினாலும் இன்னும்  சிலர் தங்கள் பாரம்பரியம் மற்றும் கலாச்சாரத்தையும் மறக்காமல் இருப்பது எனக்கு கொஞ்சம் மனநிறைவை தந்தது. 

==========================================

நாடோ (NATO) படைகள் லிபியாவில் இறங்கி அந்த நாட்டின் அதிபரை கொன்றுவிட்டு தன் போர் தாகத்தை தனித்துகொண்டன. இதன் பின்புலத்தை இப்போது அனைத்து ஊடகங்களும்  வெளிச்சத்திற்கு கொண்டு வந்துள்ளன.  அரபு நாடுகள் அல்லாத ஆப்ரிக்கா நாடுகளை ஒன்றிணைத்து டாலரை சாராத  புதிய கரன்சியை தங்கத்திலேயே வெளியிட முயைசித்து வந்தாராம் கடாபி. எண்ணெய் வேண்டும் நாடுகள் டாலரை கொண்டு வாங்காமல் இந்த புதிய தங்க கரன்சிகளை பயன்படுத்த திட்டம் தீட்டினாராம் கடாபி. கொடுங்கோலன் ஆட்சியை ஒழிக்கிறோம் பேர்வழி என அமெரிக்காவும் NATO நாடுகளும் சேர்ந்து மொத்த தங்கத்தையும் அள்ளி போயுள்ளனர். அதுமட்டுமில்லாமல் இந்த திட்டத்தையும் தடுத்து நிறுத்தி டாலரை நிலை நிறுத்தி உள்ளது. 

==========================================

நான் ரசித்த புகைப்படம் 

 

============================================ 

1984 -இல் வெளிவந்த "உயிரே உனக்காக" படத்தில் இடம் பெற்ற "பன்னீரில் நனைந்த பூக்கள் "  பாடல் நெடு நாட்களுக்கு முன் கேட்ட ஞாபகம். இளையராஜா இசையில் S.ஜானகி குரலில் கேட்கவே அற்புதம்.

=====================================

அன்புடன் 

அசோக் குமார்

படித்ததும் பிடித்ததும்-13-10-2011

 கட்சி ஆரம்பித்ததில்  இருந்து மாறி மாறி திராவிட கட்சிகளின் முதுகில் சவாரி செய்து பதவி சுகத்தை அனுபவித்து வந்த "மருத்துவர் அய்யா" இப்போ திராவிட கட்சிகளை ஒழித்து விட்டுதான் தன் ஸ்டெதஸ்கோப்பை கையில் எடுப்பேன் என்று சபதம் எடுத்திருக்கிறாராம். தன் மகன் அன்புமணிக்கு யாரும் "ராஜ்ய சபாவில் இடம் வாங்கி தர மறுத்துவிட்டதால் தான் இப்படி ஒரு அறிக்கையை விட்டு கோபத்தை வெளிப்படுத்துகிறார் என அவங்க  கட்சிக்காரங்களுக்கே தெரியும். சிவசம்போ!!!!!

---------------------------------------------------------------

 "வாகை சூட வா" படத்தின் பாடல்களை கேட்கும் வாய்ப்பு எனக்கு ரொம்ப தாமதமாகத்தான் கிடைத்தது. பெரும்பாலும் அனைவருக்கும் " சாரா சாரக்காத்து பாட்டே பிடித்திருக்கிறது. ஆனால் எனக்கு "போறானே போறானே" என்னை ரொம்பவே கவர்ந்திட்டது. கிராமத்து காதலை அப்பட்டமாக படம் பிடித்திருகிறது. பாடல்  வரிகளும்  அசல் கிராமத்து வழக்கில் இருக்கும் வார்த்தைகள். பாடலை எழுதியது "வைரமுத்து" என்றே நினைத்தேன் பிறகுதான் பார்த்தேன் அது ஒரு வளர்ந்து வரும் ஒரு இளம் கவிஞர் "கார்த்திக் நேதா" என்று.

தமிழ் சினிமாவில் நீங்காத இடம் பெரும் வைப்பு நிச்சயம் இருப்பதாகவே எனக்கு தோன்றுகிறது. பாடலை நேகா பேசின், ரஞ்சித் இருவரும் இணைந்து பாடி இருந்தார்கள். ரொம்ப நாட்களுக்கு பிறகு நல்ல பாடலை கேட்ட உணர்வு.

 ---------------------------------------------------------------

நேற்று பேஸ் புக்கில், இந்த படத்தை பார்த்து கொஞ்சம் வியந்துதான் போனேன். டாஸ்மாக்கில் ஒரு பெண் வந்து சரக்கு வாங்கும் காட்சிதான் அது. 33  சதவீத இட ஒதுக்கீடு நாம தரமோ இல்லையோ அவங்களே எடுத்துக்குவாங்க போல.!!!

 -----------------------------------------------------------

உலகில் ஒரே ஒரு நாடு மட்டுமே தமிழ் எண்களை நாணயத்தாள்களில் பயன்படுத்துகிறது. அது மொரீசியசு (Mauritius ) மட்டுமே. (தமிழ் எண்கள் ௦ - 0, ௧- 1, ௨- 2,௩- 3, ௪- 4, ௫- 5, ௬- 6, ௭- 7, ௮- 8, ௯- 9) மொரீசியசு நாட்டின் ரூபாய் தாளில் தமிழில் எழுத்துக்களும், எண்களும் ( ரூ.10 தமிழில் ௧௦) இடம் பெற்றிருப்பதை இப் படத்தில் காணலாம்.ஆங்கிலேய ஆட்சிக்காலத்தில் அத்தீவுக்கு கரும்பு வெட்டுவதற்காக அங்கு சென்று குடியமர்த்தப்பட்டவர்கள் நம் தமிழர்கள். இன்னும் 30000  தமிழர்கள், இன்னும் தமிழர்களாகவே வாழ்ந்து கொண்டு இருக்கிறார்கள். மங்காத  தமிழ் என்று சங்கே முழங்கு!!!!

  ------------------------------------------------------------------
இந்த பாடல் கேட்டதும்  எல்லோரையும் மயக்கும் என்பதில் ஐயம் ஏதும் இல்லை. இளையராஜாவின் இசைக்கு அடிமையான எல்லோரும் இந்த பாடலை விரும்புவதில் ஆச்சர்யம் ஏதும் இல்லை.  ஒரு முறை இசை அமைப்பாளர் "ரமேஷ் விநாயகம் " ஒரு நிகழ்ச்சியில் பேசும்போது எண்பதுகளில் இளையராஜா பரிட்சார்த்த முயற்சிகளில் இசையமைத்த பாடல்கள் இதுவரை சோடை போனதில்லை. ஆனால் பிற்ப்பாடு அதை நிறுத்தி விட்டார் அதானால் தான் அவர் தன பொலிவை கொஞ்ச காலத்திற்கு இழக்க வேண்டியதிற்று என்று, எதனை உண்மை அது. "கரும்பு வில்" படத்திற்காக இளையராஜா இசையமைத்த "மீன் கொடி தேரில்" என்ற பாடல் இன்றும் காலத்தால் அழியாமல் நிற்கிறது ஆண் குரலில் யேசுதாஸ் அவர்களும் பெண் குரலில் ஜென்சி அவர்களும் பாடி இருந்தார்கள்.

-----------------------------------------------------------
அன்புடன்
அசோக் குமார்

படித்ததும் பிடித்ததும் -20/09/2011

உண்ணாவிரத சீசன் -3

முதல் இரண்டு உண்ணாவிரத சீசன் முடிந்த நிலையில் தனது மூன்றாவது சீசனை ஆரம்பித்து நேற்றோடு முடித்தும் விட்டார் குஜராத் முதல்வர் மோடி. இப்போது எங்கு பார்த்தாலும் உண்ணாவிரதம் என்ற பேச்சுதான் அடிபடுகிறது. இன்னும் கொஞ்ச நாட்கள் போனால் அத்தியாவசிய பொருட்கள் வாங்க கூட உண்ணாவிரதம்தான் இருக்கவேண்டும் போல. ஊழல் ஒழிகிறதோ இல்லையோ நல்ல பப்ளிசிட்டி கிடைக்கிறது. அந்த பாக்கியம் கூட கிடைக்கபெறவில்லை இங்கே கூடங்குளத்தில் 9  நாட்களாக அணு உலை அமைவதை எதிர்த்து உண்ணாவிரதம் இருக்கும் நம் மக்களுக்கு.
==========================================
எங்கேயும் எப்போதும் 

எங்கேயும் எப்போதும் படம், நிறைய பேருக்கு பார்க்கும் ஆவலை துண்டிவிட்டு இருக்கிறது. நானும் இன்னும் படத்தை பார்க்கவில்லை. இங்கே பக்கத்தில் எங்கேயாவது இந்த படம் திரை இடப்பட்டு இருக்கிறதா என தேடிக்கொண்டு இருக்கிறேன். நம்ம ஊரில் இருந்து இருந்தால், இந்நேரம் பார்த்து இருக்காலாம். எல்லா பதிவுகளிலும் இந்த படத்தை பற்றி நல்ல மாதிரியாகவே விமர்சனம் எழுதி இருப்பதை வைத்துதான் எனக்கும் பார்க்கும் ஆவல்.


ஆயிரம் உதை வாங்கிய அபூர்வ இந்திய கிரிக்கெட் அணி 

இந்த இங்கிலாந்து தொடரில் நடந்த எல்லா வகையான போட்டிகளிலும் படுதோல்வியை சந்தித்து அவமானத்தால் தலை குனிந்துள்ளது. பணத்துக்கு ஆசைப்பட்டு அணியினரின் உடல் நலத்தை கருத்தில் கொள்ளாமல் நிறைய போட்டிகளை பங்கேர்ப்பதால் வரும் வினை இது. இனியாவது இது போன்று நெருக்கமான அட்டவனையை போட்டு வீரர்களை படுத்தி எடுக்காமல் இருப்பது நம் கிரிகெட் சங்கத்திற்கு நல்லது. நம் அணியின் ஏறக்குறைய எல்லோருமே காயம் அடைந்து இருக்கிறார்கள் போல, ஜாகிர் கான், கம்பீர், சேவாக், முனப் படேல், இஷாந்த் சர்மா மற்றும் சச்சின். என்னதான் நடக்கிறதோ.
==========================================
பிச்சைக்காரர்களா ஹாக்கி வீரர்கள்

சீனாவில் நடந்த ஆசியக்கோப்பை போட்டியில் ஒரு ஆட்டத்தில் கூட தோற்காமல் இருதிப்போட்ட்யில் பாகிஸ்தானை வீழ்த்தி கோப்பையை வென்ற இந்திய ஹாக்கி அணிக்கு தலா 25000  கொடுத்து அவர்களை பிச்சைக்காரர்களை போல் நடத்தி உள்ளது இந்திய விளையாட்டு வாரியம். அந்த பணத்தை ஏற்க மறுத்து மானம் காத்துக்கொண்டனர் வீரர்கள். இன்னும் கொஞ்ச நாட்கள் போனால் இந்த விளையாட்டை விளையாடவே ஆட்கள் இருக்கமாட்டார்கள் போலும்.
=========================================
நான் ரசித்த புகைப்படங்கள்

இந்த படங்கள் நான் பணி செய்ய போகும் வழியில் வீட்டிற்க்கு முன் அழகுக்காக  பராமரிக்கப்பட்ட பூச்செடிகள்

 =======================================
 நான் ரசித்த காணொளி 
 இந்த காணொளியை எதேச்சையாக பார்க்க நேர்ந்தது, பார்த்தவுடன் மலைத்துத்தான் போனேன். இந்த பெண் பார்வதி , என்ன குரல் என்ன நேர்த்தியான பாட்டு. உன்னிமேனன் ஒரு வார்த்தை சொன்னார், "இந்த கள்வரே கள்வரே பாடு மிக பிரபலமாகாத ஒரு பாட்டு ஆனால் நீ பாடி இந்த நிகழ்ச்சிக்கு பிறகு பலபேர் இந்த பாட்டை ரசித்து கேட்பார்கள் என்று சொன்னார், அது அப்பட்டமான உண்மை !! கேளுங்களேன்.!!!!!

அன்புடன் 

அசோக் குமார்

படித்ததும் பிடித்ததும் -22 /07 /2011

திமுக அமைச்சர்கள் முதல் முன்னாள் சட்ட்ட மன்ற உறுப்பினர்கள் வரை தலைமறைவு என்ற செய்தி கொஞ்சம் வருத்தமாகத்தான் இருக்கிறது. தாங்கள் பதவியில்  இருந்த காலம் வரை மக்களை பற்றி  சிந்திக்காமல் தன் சட்டை பைகளை நிரப்புவதிலேயே குறியாக இருந்துள்ளனர். அதுமட்டுமின்றி ஏதோ குறுநில மன்னர்கள் போல் தங்கள் பங்கு நிலங்களையும் மிரட்டி அபகரித்து உள்ளனர். ஆனானப்பட்ட வீரபாண்டியரே தலைமறைவாகி இருக்கிறார் என்றால் மற்றவர்கள் நிலைமை கொஞ்சம் கஷ்டம் தான்.
=============================================

கல்வி விஷயத்தில் ஏன் இப்படி குழப்புகின்றனர் என்று புரியவில்லை. தன் சொந்த விருப்பு வெறுப்புகளை கல்வி விஷயத்தில் புகுத்துவது வன்மையாக கண்டிக்கத்தக்கது. பள்ளிகள் திறந்து இரண்டு மாதங்கள் ஆகியும் இன்னும் புத்தகம் கிடைக்காமல் மாணவர்கள் மேசையை தேய்க்கும் நிலை இருப்பது அவலம். உயர்நீதி மன்றத்தால் கண்டிக்கபட்டும் மாறவில்லை என்றால் இந்த ஆட்சிக்கு இது அழகல்ல. பாடத்திட்டங்கள் சரி இல்லை எனில் அடுத்த வருடம் புதிய பாடத்திட்டங்களை அறிமுகப்படுத்தலாம். முதல்வரின் வறட்டு பிடிவாதத்திற்க்காக பிள்ளைகளின் படிப்பு பாதிக்கப்படுவது நல்லதல்ல. 

============================================

"குண்டலி யாகம்" நடத்துகிறேன் பேர்வழி என சொந்த காசில் சூனியம் வைத்துகொண்டுள்ளார் "கதவை திற காற்று வரட்டும் புகழ் நித்தி" . புவி ஈர்ப்பு விசைக்கு எதிராக காற்றில் மிதக்க வைக்கிறேன் என்று கூவி விட்டு தன் பக்தர்கள் அனைவரையும் குழந்தைகள் பள்ளிகூடங்களில் தவளை ரேசில் கலந்துகொண்டவர்கள் போல்் குதித்தது ரொம்ப நாட்களுக்கு பிறகு வடிவேல் நகைச்சுவை கணக்காக இருந்துச்சு. பாவம் இதுல ரஞ்சியை வேற குதிக்க சொன்ன அண்ணாத்த, பறக்க முடியாமல் கீழே விழுந்த ரஞ்சிக்கே சிரிப்பு தாங்க முடியல. இதுல முன் எச்சரிக்கையா ஹெல்மெட் வேற போட்டுக்கிட்டு சில பேரு. எப்பா முடியலட சாமி !!

==========================================

"தெய்வ திருமகள்" படம் பார்ப்பவர்களை அழ வைக்கிறது, குறிப்பாக விக்ரம் மற்றும் நிலாவாக நடித்திருக்கும் குட்டிப்பெண் சாரா நடிப்பில் பிரமாதப்படுத்தி இருக்கிறார்். என்னதான் I am sam  படத்தின் தழுவல் என்றாலும் கதையை நம்ம சுழலுக்கு ஏற்றவாறு மாற்றி அமைத்தில் இருக்கிறது இயக்குனர் விஜயின் வெற்றி. விக்ரம் இந்த படத்திற்கு நெறயவே மெனக்கெட்டு இருக்கிறார். வாழ்த்துக்கள் !!!!

==========================================

இந்திய இங்கிலாந்து அணிகளுக்கு எதிரான கிரிக்கெட் போட்டியில் சச்சின் தனது நூறாவது சதத்தை எட்டுவாரா என எல்லோரும் ஆவலோடு இருக்கிறார்கள். லோர்ட்ஸ் மைதானம் கிரிகெட்டின் மெக்கா என்று அழைக்கப்படுகிறது. அங்கே இந்த சாதனை நிகழ்த்தப்படுமானால், இன்னும் சிறப்புதான். சாதனிகள் நிகழ்த்துவது சச்சினுக்கு ஒன்றும் புதிதல்ல. பொறுத்திருந்து பார்ப்போம். 

==========================================

கார்ட்டூன் கார்னர் 

தினமலர் நாளிதழில் வெளியான கார்டூன். 

========================================

தேன் கிண்ணம்

ஏணிப்படிகள் படத்திற்காக கே வீ  மகாதேவன் அவர்கள் இசையில் பாலசுப்ரமணியம்  பாடிய பாடல்.

அன்புடன்

அசோக் குமார்

படித்ததும் பிடித்ததும் 21 /06 /11

ஸ்பெக்ட்ரம் ஊழல் வழக்கில், சி.பி.ஐ., கலைஞர், "டிவி' பங்குதாரர்களான தி.மு.க., எம்.பி., கனிமொழி, நிர்வாக இயக்குனர் சரத் ரெட்டியையும்  இரண்டாவது குற்றப் பத்திரிகையில் சேர்த்தது. இவர்கள், கடந்த ஒரு மாதமாக திகார் சிறையில் அடைக்கப்பட்டுள்ளனர். இருவரும், பாட்டியாலா சி.பி.ஐ., சிறப்பு கோர்ட் மற்றும் டில்லி ஐகோர்ட்டில் ஜாமின் கோரி தாக்கல் செய்யப்பட்ட மனுக்கள் தள்ளுபடி செய்யப்பட்டது அனிவரும் அறிந்ததே. இதையடுத்து, இருவரும் சுப்ரீம் கோர்ட்டில் அப்பீல் செய்தனர். இவர்களது கடைசி நம்பிக்கையே இந்த ஜாமின் மனு தான். இதற்கிடையில், சுப்ரீம் கோர்ட் உத்தரவின் பேரில், சி.பி.ஐ., சார்பில் 17ம் தேதி தாக்கலான பதில் மனுவில், "2ஜி' ஊழல் வழக்கு விசாரணை இறுதிக்கட்டத்தை எட்டியுள்ள நிலையில், சுப்ரீம் கோர்ட் இவர்களுக்கு ஜாமின் வழங்கக் கூடாது. இவர்களை விடுவித்தால், சாட்சிகளை கலைத்து விடுவர் என, தெரிவித்துள்ளது.இதை கேள்விப்பட்டு கருணாநிதி டெல்லி கிளம்பி போயுள்ளார். என்ன நடக்கிறது என பொறுத்திருந்துதான் பார்க்கவேண்டும்.
==================================================

"பிரதமர் பதவியை எப்போது ஏற்பது என்பது குறித்து ராகுல் தான் முடிவு செய்ய வேண்டும்,'' என, காங்., கட்சியின் செய்தித் தொடர்பாளர் ஜெயந்தி நடராஜன் தெரிவித்துள்ளார். இரண்டு நாட்களுக்கு முன் திக் விஜய் சிங்கும் இதே பாட்டை பாடினார். "பிறக்கும்போதே பிரதமராக பிறக்கறாங்க "...
===================================================

நான் ரசித்த பாடல்
இளையராஜாவின் இசையில் பாடும் நிலா பாலு அவர்களின் தேன் குரலில் "கொக்கரக்கோ" படத்திற்காக கீதம் சங்கீதம் பாடல். என் மனதிற்கினிய பாடல் எப்போதுமே !!!

==================================================

அன்புடன் 

அசோக் குமார்

படித்ததும் பிடித்ததும் -19.04.2011

தொடரும் மீனவர்கள் படுகொலை 
தேர்தல் பிரச்சாரத்திற்கு வந்த காங்கிரஸ் கட்சியின் பெரும் தலைவி சோனியா இனி மீனவர்கள் காக்கபடுவார்கள் என உறுதி அளித்து போனார். போன ஒரு மாதத்துக்குள் நான்கு மீனவர்கள்   படுகொலை செய்யப்பட்டு உள்ளார்கள். வடநாட்டு ஊடகங்கள் அனைத்தும் இந்திய மீனவன் இறந்தான் என்று செய்தி வெளிடுவதில்லை, மாறாக தமிழ் மீனவன் இறந்தான் என்றே செய்தி வெளியிடுகிறன. தமிழ் நாடு எப்போது இந்தியாவில் இருந்து பிரிந்தது என்று தெரியவில்லை.
=========================================================
தே‌‌ர்த‌ல் நேரத்தில்  நட‌ந்த சோதனை‌யி‌‌ல் கை‌ப்ப‌ற்ற‌‌ப்ப‌ட்ட 49 கோடி பண‌த்தை யாரு‌ம் ‌திரு‌ப்‌பி வா‌ங்க வர‌வி‌ல்லை எ‌ன்று த‌மிழக தலைமை அ‌திகா‌ரி ‌‌‌‌பிர‌வீ‌ண்குமா‌ர் கூ‌றியு‌ள்ளா‌ர். அதன் பிறகு இதுவரை யாரும் மீதம் உள்ள 49 கோடி ரூபா‌ய் பணத்தை திருப்பி வாங்க வரவில்லை எ‌ன்றா‌ர் ‌பிர‌‌‌வீ‌ண்குமா‌ர். இவை கணக்கில் காட்டப்படாத கறுப்பு பணமாக இருக்கலாம் எ‌ன்று‌ம் வருமான வரி செலுத்தியதற்கான ஆவணம், ஆதராம் இருப்பவர்கள் பணத்தை திரும்ப பெ‌ற்று‌க் கொ‌ள்ளலா‌ம் எ‌ன்று‌ம் ‌பிர‌வீ‌ண்குமா‌ர் கூறியுள்ளார். தமிழ்நாடு முழுவதும் நடந்த சோதனையில் மொத்தம் 54 கோடியே 17 லட்சம் ரூபாய் பறிமுதல் செய்யப்பட்டது ‌நினை‌வி‌ல் கொ‌ள்ள‌த்த‌க்கது. சொந்த பணமாக இருந்தால் தானே திறப்பி கேட்க!!!
============================================================
  தமிழக காங்கிரஸ் கட்சியில் இருந்து, 19 பேர் நீக்கப்பட்டதைக் கண்டித்து, தமிழக காங்கிரஸ் தலைவர் தங்கபாலுவை நீக்கக்கோரி, பல்வேறு இடங்களில், கட்சியினரிடையே எதிர்ப்பு கிளம்பியுள்ளது.அதன்படி, திருவாரூர் மாவட்டம், திருத்துறைப்பூண்டி வட்டார இளைஞர் காங்கிரசார், தங்கபாலுவின் உருவ பொம்மையை எரித்தனர்."கட்சியில் இருந்து நீக்கப்பட்ட 19 பேரையும் மீண்டும் கட்சியில் சேர்த்துக் கொள்ள வேண்டும். என வலியுறுத்தி கட்சியினர் கோசமிட்டுள்ளனர். கட்சி தொண்டர்கள் தன கட்சி தலைவரின்  உருவ பொம்மையை எரித்தது வரலாற்றில் முதல் முறை என நினைக்கிறேன். வாழ்க காங்கிரஸ் கட்சி வளர்க அதன் கொள்கை!!
=========================================================
நான் ரசித்த காணோளி

வார்த்தைகளின் முக்கியத்துவம் என்னவென்று அறியாமல் பேசும்போது நாம் இழப்பவைகள் நமக்கே தெரிவதில்லை. சிறு வார்த்தை மாற்றமும் பெரும் தாக்கத்தை ஏற்படுத்தகூடியவை. இந்த காணோளியை பார்த்தாலே புரியுமே!!!!!

===========================================================

தேன் கிண்ணம்  

 இந்த பாட்டு வெள்ளி விழா படத்துக்காக  V.குமார் இசை அமைத்தது. இந்த படத்தில் ஒரு வித்தியாசம் என்னன்னா அதுவரை இனிமையான பாட்டுகளை P.சுசீலா பாடி வந்தார். இவருக்கு நேரெதிர் L.R. ஈஸ்வரி, கொஞ்சம் சத்தமான ராப் மாதிரி பாட்டுகளையே  பாடி வந்தார். V.குமார் இந்த படத்தில் இவர்களை அப்படியே மாற்றி பாட வைத்தார். L.R. ஈஸ்வரி, "காதோடுதான் நான்" என்ற இனிமையான பாட்டையும் , P.சுசீலா "நான் சத்தம் போட்டுத்தான் பாடுவேன்" என்ற சத்தமான பாட்டையும் பாடி ஒரு புதுமை படைத்தார்கள்.

அன்புடன் 

அசோக் குமார்

படித்ததும் பிடித்ததும்

படித்ததும் பிடித்ததும் 

கிரிக்கெட்அரை இறுதி :  இந்தியா வெற்றி

அரை இறுதி போட்டியில் பாகிஸ்தானை வெற்றி பெற்றதன் மூலம்  இறுதி போட்டிக்கு முன்னேறி உள்ளது. இறுதி போட்டியில் இலங்கை அணியை எதிர்த்து மும்பையில் விளையாட உள்ளது. மறுபடியும் சச்சின் 85 ரன்கள் அடித்து வயதுக்கும் ஆட்டத்திற்கும் சம்மந்தம் இல்லை என நிரூபித்துள்ளார். பாகிஸ்தான் வீர்கள் நன்றாக போராடினார்கள். அப்ரிடி மிக நன்றாக பேசினார் இறுதியில். இன்சமாம் போல இல்லாமல் மிக நன்றாக பேசினார். ஆட்டத்தில் வெல்லாவிட்டாலும் நம் மனங்களை வென்றுவிட்டார்.

=========================================================

ஆஸ்திரேலிய அணி காப்டன் மாற்றம்

ஒருநாள் மற்றும் டெஸ்ட் போட்டிகளுக்கான ஆஸ்திரேலிய அணி காப்டன் ரிக்கி பாண்டிங் மாற்றப்பட்டு கிளார்க் காப்டனாக நியமிக்கப்பட்டுள்ளார். எல்லாம் இந்தியாவிடம் தோற்ற நேரம் போலும். இரண்டு முறை  அணிக்காக கோப்பை ஜெயித்தவர்.

"தீதும் நன்றும் பிறர் தர வரா"  

=====================================================================

சாட்டையடி கொடுத்த பொது ஜனம்

தினமலர் இன்றைய காணொளி காணும்போது மதுரையை சேர்ந்த ஒரு நபர் 'எங்கள் ஓட்டு விற்பனைக்கு அல்ல' போர்டு வைத்துள்ளார்.

அந்த காணோளியை காண இந்த சுட்டியை அழுத்தவும் =32

"நாமும் பின்பற்றலாமே, நல்ல மனிதர்- வாழ்க"

============================================================

தேன் கிண்ணம்

இந்த பாடல் எப்போது கேட்டாலும் இனிக்கும், அடுத்த வீடு பெண் படத்தில் இருந்து "கண்ணாலே பேசி பேசி கொள்ளாதே". பி. பி. ஸ்ரீநிவாஸ் அவர்களின் தேமதுர குரலில். தங்கவேலு நடிப்பில் பிரமாதபடுத்தி இருப்பார். அஞ்சலி தேவியின் சொந்த தயாரிப்பில் வெளி வந்த படம்.

 

==========================================================

அன்புடன் அசோக் குமார்